ACCUEILCada annada, dens l’encastre deu Salon Internacionau de l’Agricultura de París, lo Concors Generau Agricòla que recompensa los melhors produits deu terrador francés . Maison Montfort, especialista de la gastronomia deu guit, la mèrca de salasons Teyssier atau com Stalaven, referéncia de la carnsaladeria e deus produits « aprestaires frescs », que vienen d’emportar tres medalhas d’aur e ua medalha d’argent. Decernidas per ua jurada de centenas de professionaus e de consumeires, aqueras medalhas qu’aunoran lo saber-har de las equipas e la qualitat deus produits de las mèrcas deu grop cooperatiu Euralis.
Palmarés 2025 :
Maison Montfort :
Medalha d’aur : Magret de guit deu Sud-oèst humat au bòsc de hai
Medalha d’argent : Hitge gras entièr Gastronomic a la Sautèrnas
Teyssier :
Medalha d’aur : Saussisson Long Bridat Fin Magre
Stalaven :
Medalha d’aur : Saussisson a l’alh pur pòrc humat
Maison Montfort que s’illustra dens las categorias hitge gras sancèr e magret de guit humat secat
Numèro 1 de las ventas de hitge gras sancèr e de carns de guit en Granas e Mejanas Susfàcias, Maison Montfort que s’ei tanben illustrada dens aqueras duas categorias au Concors Generau Agricòla 2025. Lo son hitge gras sancèr Gastronomic a la Sautèrnas qu’ei estat saludat entà la soa textura fondenta e lo son gost equilibrat. Lo son magret de guit deu Sud-oèst humat au bòsc de hai qu’ei estat plebiscitat entà las soas sabors equilibradas e entà la soa qualitat visuau. Aqueras duas medalhas que recompensan lo tribalh d’ua annada de mei de 400 productors e 1 000 collaborators deu Sud-oèst e de l’Oèst-Gran de França.
Teyssier qu’empòrta l’aur dab un saussisson multi-medalhas
Lo saussisson long bridat Fin Magre que sorteish d’obtiéner la quatau medalha d’aur de la soa istòria. Fabricat au còr deu Parc Regionau deus Monts d’Ardecha en partir de carn de pòrc francesa, aqueth produit que mescla lo saber-har cent-cinquantenaire de Teyssier a ua farça 30 % mensh grassa que las recèptas tradicionaus.
Stalaven au som deu podium mercés a l’ua de las soas especialitats carnsaladèras
Despuish nombrosas annadas, Stalaven que met sus la superioritat deus sons produits, regularament testats per grans panèls de consumeires per un institut d’estudi independent. Fabricat suu site d’Yffiniac (22) en partir de carn francesa, lo saussisson a l’alh pur pòrc humat que hè partida deus produits Stalaven preferits deus consumeires. La jurada deu Concors Generau Agricòla 2025 que l’a atribuït ua medalha d’aur .
Pertocant las activitats alimentàrias deu grop cooperatiu Euralis :
Aqueras activitats que perpausan aus professionaus deus mestièrs de boca e aus consumeires produits emblematics de la gastronomia francesa dab d’ua part, hitges gras e carns de guit e d’auta part, produits aprestaire fresc, salasons e carnsaladerias. Mei de 2000 collaborators que tribalhan cada dia a har rajar aqueths produits en França e a l’internacionau.
Contact Premsa Célia Garrocq / 06 74 80 02 23 / celia.garrocq@euralis.com