ACCUEILLos 16 e 17 junh qui arriban, Bonduelle e dus deus sons partenaris agricultors qu’obreishen las pòrtas de las lors bòrdas entà arcuélher lo public gran e escambiar suus lors mestièrs e las lors practicas. Ua escadença unica d’encontrar a lor, sus las lors tèrras, los actors d’ua cordèra qui òbra cada dia entà la sobeiranetat alimentària de França.
Pregondament ancorat dens l’ADN deu grop, lo tribalh de la tèrra qu’ei un malhon essenciau de la cadena agroindustriela. Shens agricultors e shens tèrra, n’i a pas nat legumes . Aus costats deus sons 1 500 partenaris agricultors en França, Bonduelle qu’innòva cada dia entà prepausar produits sans e de qualitat en preservant l’environament e en desvolopant practicas agricòlas duradissas entà la planeta, entà la societat e entaus Òmis.
Aquera annada, Occitània e lo Grand Èst que son a l’aunor
Actor engatjat e immancable dens lo monde agricòla despuish 170 ans, Bonduelle qu’a teishut ligams estrets dab los sons partenaris agricultors, dont quauques uns tribalhan dab lo grop despuish mantua generacion. Entad aquera edicion 2023, duas bòrdas situadas respectivament a Luçan Adelhac en Hauta Garona e a Villiers-Herbisse, dens l’Auba, que seràn au demiei deus òstes d’aqueras Jornadas Nacionaus de l’aAgricultura. Dus sites qui presentaràn culturas diferentas, leguminosas entà l’un e carròtas entà l’aute, dab, solide, diferentas activitats apitadas tà explicar de faiçon ludica e pedagogica las diferentas culturas e las practicas agricòlas associadas.
Occitània – Relocalizacion d’ua cordèra leguminosa en associacion dab la cooperativa Euralis
Au parat d’aqueras jornadas dedicadas a l’agricultura, lo Grop Bonduelle qu’a desirat méter en lutz la cultura de leguminosas. Partenaris despuish de nombrosas annadas entà la produccion de milhòc doç e de mongetas verdas Euralis e Bonduelle qu’an recentament signat ua associacion entà crear e perennizar ua cordèra legumes secs en França. Las leguminosas que constitueishen ua de las solucions melhoras entà vegetalizar la nosta alimentacion en portant ua responsa positiva a un hum de desfís actuaus: regeneracion deus sòus, descarbonacion de l’alimentacion, equilibri nutricionau
e accessibilitat de l’alimentacion a tots.
Entà ne saber mei sus aquera cultura, Guillaume Saintignan, agricultor a Luçan Adelhac en Nauta Garona e administrator de la cooperativa Euralis, qu’arcuelherà lo public gran dens los sons camps de lentilhas .
Au programa : talhèrs « leguminosas », visita de las parcèlas acompanhat per un agronòme, pedagogia sus la biodiversitat dab un entomologista etc. De qué vàder incollable sus las leguminosas !
Guillaume Saintignan qu’a a còr de parlar deu son mestièr e de la soa volontat de desvolopar aquera cultura en França, suu son territòri. Ua cordèra qui s’inscriu dens ua volontat comuna a Bonduelle e Euralis de prepausar aus consumeires ua alimentacion sana e de qualitat, cultivada e transformada en França.
Bòrda de Guillaume Saintignan :
Tipes de culturas : blat – virasó – còlza – lentilhas – céser
145 ha dont 3,70 ha de lentilhas e 9,30 ha de césers
Lòc : 265 Carrère – 31430 Luçan Adelhac
Quan ? los divés 16 e dissabte 17 de junh de 10h a 12 h e de 14h a 16h
Grand Èst – La familha Garcia e Bonduelle : ua istòria qui dura
Installada a la Bòrda Los Hauts de Villiers, au ras deu site Bonduelle de Sent Benoist sus Bacant, la familha Garcia que tribalha dab Bonduelle despuish 23 ans . Ua associacion longa tèrme qui permet de méter en plaça tecnicas culturaus qui s’inscriven dens l’agricultura regeneratora. Aquera associacion ganhant-ganhant que permet egaument a l’agricultor de beneficiar de l’acompanhament tecnic deus agronòmes deu grop e d’aver un revienut securizat gràcias a ua contractualisation annau. Côté Bonduelle, l’aprovesiment de proximitat deu site de Sent Benoist qu’ei assegurat tota l’annada dab legumes de qualitat cultivats gràcias au saber-har de la familha.
Au parat de las Jornadas Nacionaus de l’agricultura, que son 3 generacions qui presentaràn lo lor tribalh e qu’explicaràn lo lor mestièr e la lor faiçon de produsir.
Que serà l’escadença entau public gran de descobrir los produits Bonduelle dont los legumes son cultivats e transformats a costat de lor.
La Bòrda Los Hauts de Villiers
Tipes de culturas : blat – òrdi – patana – caulet – blet sucrèr, carròta, api
Quantitats produsidas entà Bonduelle : 4200 tonas de carròtas e 2400 tonas d’api
60km enter la bòrda e l’usina
Lòc : Fèrme Los Hauts de Villiers – 10700 Villiers Herbisse
Quan ? los divés 16 e dissabte 17 de junh de 10h a 12 h e de 14h a 16h
Inscripcions gratuitas suu site