ACCUEILLo Pòle Agricòla d’Euralis qu’ei partenari de l’operacion « Baguetas bio » ‘hèitas dens la Vila de Tolosa entaus escolans qui’s restauran dens las cantinas tolosanas. Qu’assegura atau lo conselh tecnic e la logistica cap au silo d’estocatge.
Dinc adara, 900 000 baguetas qu’èran crompadas per la Cosina Centrau au près de mantun artisan panissèr titular d’un mercat la tarifa de la bagueta rustica bio a 0,76€ l’unitat liurada dens las escòlas.
Los professionaus de la cordèra que son estats sollicitats entà obtiéner, a partir deu blat bio gessit deus camps tolosans, la haria qui serà emplegada tà la fabricacion de baguetas bio de qualitat a las medishas condicions economicas. Entà utilizar la produccion annau de blat bio deu Maine sancèra, la panisseria La Gloire a Tolosa, titulara d’un lòt deu mercat de 300.000 baguetas per an, qu’ei estada sollicitada, atau com lo son molin, los Molins Pirenencs. Que son mobilizats au costat deus actors de la produccion dejà en ligam dab lo Maine, Euralis, Agribio Union e Arterris.
En 2022, ua organizacion en circuit de proximitat qu’ei atau apitada :
– lo blat bio qu’ei produsit a Tolosa peu Maine agricòla (102 tonas)
– Euralis qu’assegura lo conselh tecnic e la logistica cap au silo d’estocatge
– Agribio Union que resèrva un silo entà l’annada, que tria lo blat e que’u liura per lòt au molin
– los Molins Pirenencs que hèn la moluda e que liuran cada setmana lo panissèr en haria fresca
– la panisseria La Gloire que faiçona las baguetas rusticas bio tolosanas (300.000)
– la Cuisine Centrale que comanda cada dia en foncion deus besonhs
Aquera organizacion qu’ei aparada sus la volontat deus diferents actors locaus de la cordèra bio de contribuar a l’escaduda d’un projècte de localizacion de la produccion e de la transformacion au mei près deus clients. Aquò que’s traduseish per la mesa a disposicion de la cadena de produccion dens condicions favorablas au benefici deus petits tolosans.
Entà respectar las condicions deu mercat qui liga la Cuisine Centrale a la Panisseria La Gloire, la tarifa practicada peus Molins Pirenencs qu’ei adoptada, sia 0,79€ HT lo quilò de haria, tau com deliberat lo 9 de noveme de 2022 peu Conselh Municipau de Tolosa.
Despuish aquera data, las baguetas que son servidas dens cantinas d’escòlas de la vila.
Aquera accion qu’ei particularament vertuosa :
– los nins tolosans que benefícian d’un pan bio, bon entau lor regime alimentari autan com entà la planeta ;
– aqueth circuit d’ultra-proximitat, de Tolosa a Tolosa, qu’evita l’importacion suu territòri de 100 tonas de blat e los polluents qui provienerén deu lor transpòrt, e que benefícia a l’economia locau ;
– los partenaris que veden las lors relacions assolidadas e que poiràn considerar d’alargar la lor accion.
Atau, l’associacion organizada per la Comuna de Tolosa que participa a valorizar la bagueta de pan francesa e a celebrar la soa inscripcion au patrimòni immateriau de l’umanitat per l’Unesco.