ACCUEILChic de temps a, ua partida de la flòta de camions deu Pòle agricòla que ròtla au B100, en tot demorar compatible dab lo gazole.
La causida d’aqueth carburant verd qu’ei estada hèita quan lo renovelament de la nosta flòta per la Direccion de las energias deu Grop e la Direccion Supply deu Pòle Agricòla, sus prepausicion de l’un deus nostes partenaris, Clovis Location (Renault Trucks).
Que collaboram dab Avril, productor deu B100, entà l’aviada concrèta d’aqueth projècte duradís qui contribueish au dinamisme deu noste territòri : ua partida deu còlza qui entra dens la fabricacion deu biocarburant qu’ei produsida per quauques uns deus nostes agricultors aderents. Qu’avem donc l’assegurança de har rotlar los nostes camions dab un carburant alternatiu gessit de cordèras locaus.
Aquera flòta navèra qu’auhereish l’oportunitat de redusir lo noste impacte carbòni e las nostas emissions de gas d’efèit de sèrra. Qu’ei en fasa dab los nostes engatjaments en matèria de descarbonacion e mei largament lo noste politic RSE, qui irriga las nostas activitats.