ACCUEILNse conéisher
Euralis qu’ei un grop cooperatiu agricòla, ua enterpresa governada per agricultors
e qui’us apartien. Qu’a per tòca de collectar e transformar la produccion deus sons aderents
e que contribua donc a l’economia locau en crear nombrós emplecs dirèctes e indirèctes
en favorizar ua agricultura sana e duradissa.
Las nostas 3 vocacions
Vocacion 1
Contribuar a ua agricultura neuricèra, duradissa, pròcha deus nostes territòris, plurau, sana e accessibla a tots qui desvolòpa lo revienut deus agricultors.
Vocacion 2
Bastir amassa solucions, desmarchas e produits innovants responent aus enjòcs sociaus, environamentaus e economics.
Vocacion 3
Agir dens ua desmarcha hòrta de produccion d’energia renovelabla e de descarbonacion de las nostas activitats
.
Las nostas valors
Que metem sus la SIMPLICITAT entà valorizar la contribucion de cadun e ganhar en eficacitat.
Perqué Euralis ?
Arrejúnher lo grop cooperatiu Euralis, qu’ei sasir l’oportunitat de :
Engatjà's aus costats deus nostes aderents entà ua agricultura duradissa e plurau, ua alimentacion sana e segura :
- Un grop cooperatiu miaire integrat de capsús en aval ( + de 5 200 collaborators, 1,6 Mds € CA), ancorat dens lo son territòri, qui a sabut exportar los sons saber-har e produits
- Un grop cooperatiu qui a hèit la causida de las cordèras e que prepausa ua auhèrta globau de conselhs e de servicis aus agricultors
- Un grop cooperatiu qui, autanlèu 2012, a desvolopat los circuits corts peus sons cornèrs La Table des Producteurs, assegurant atau desbocs entaus environ 500 aderents dont las produccions son referenciadas dens los nostes taulèrs alimentaris
Préner part a ua dinamica d'innovacion :
- Associacions, a còps exclusius, dab start-ups innovantas au còr deus territòris : Weather Measures, Elicit Plant, UV Boosting…
- Un engatjament dens lo projècte nacionau SYPPRE : Euralis que collabòra ad aqueras platafòrmas prospectivas dont lo prètzhèit ei de har emergir los sistèmas de cultura de doman en ligar las sciéncias de l’agronomia e de l’ecologia dens un apròchi de desvolopament duradís
- La participacion a la creacion de la societat INOLEA, especializada dens la recèrca en genetica e genomica vegetau
Víver ua experiéncia umana passionanta :
- Un Grop en transformacion qui crea ua vertadèra dinamica collectiva e ua emulacion dens las equipas e qui auhereish de las oportunitats d’evolucion e de mobilitat
- Ua diversitat grana de mestièrs : panissèr, trader cerealèr, data scientist, engenhaire agronòme…
Desvolopar lo vòste potenciau ::
- Ua auhèrta de formacion accessibla despuish lo noste site Campus Euralis
- Ua mobilitat facilitada peu portau de difusion de las oportunitats intèrnas
- Un acompanhament especific peus vòstes manejadors dab enter autes, un entertien annau qui intègra l’entertien professionau (evolucion/projeccion carrièra, mobilitat,…)
Agir entà un monde melhor :
- Un engatjament ahortit entau benestar animau
- Ua determinacion a limitar lo noste impacte suu rescauhament climatic per la reduccion de las nostas emissions de CO₂ : accions sus l’estauvi d’energia, mobilitat duradissa, economia circulara…
- Ua volontat de plan neurir los consumeires mercés a produits « shens » e de qualitat, lo mei sovent certificats e labellisés.
Los nostes mestièrs
Dab près de 5 200 collaborators, Euralis qu’ei un Grop Cooperatiu innovant e agile dont l’arrajòu ei internacionau.
Qu’entertien dab tots los collaborators un esperit d’equipa, de solidaritat e d’engatjament.
Euralis que recruta hemnas e òmis aus perfius divèrs, desirós de participar
a ua aventura umana e singulara.
Hòrt d’un capitau uman ric, Euralis que promòu la mobilitat intèrna e que recruta regularament dens de nombrós mestièrs :
- Comèrci / Marcatica
- Produccion / Supply Chain
- R&D
- Agronomia
- Cap de projècte fotovoltaïc o agrivoltaïque : Eurasolis
- Foncions supòrt (Sistèmas d’Informacion, RH, comunicacion, finança, RSE…)
- Qualitat, Igièna, Securitat, Environament (QHSE)
- …
Las auhèrtas que son a provedir dens las diferentas activitats deu Grop :
- Activitats Agricòlas
- Activitats fotovoltaïcas e agrivoltaïcas : Eurasolis
- Activitats Semenças : Lidea
- Business Unit Maison Montfort
- Business Unit Rougié
- Business Unit Stalaven
- Business Unit Atelier Traiteur
- Foncions centrau
François-Xavier Larrouy : Cap de zòna export, Euralis Semenças
Wen Wen Wu : seleccionaira milhòc entau programa China
Los nostes engatjaments
Euralis que s’engatja dens la luta entà l’egalitat hemna / òmi
Lo son efectiu qu’ei compausat a 43% de hemnas, aquera chifra estant establa despuish mantua annada. En çò d’Euralis, los indèx que’ns mòstran que las hemnas e los òmis qu’an las medishas escadenças d’obtiéner aumentacions o de las promocions.
La santat e la securitat que son au còr de las preocupacions deu Grop
Qu’ei pr’amor d’aquò que, cadua de las Activitats e de las Entitats qu’a declinat ua politica ambiciosa e preventiva entà garantir un environament de tribalh assegurant la santat e la securitat. Per exemple, entà l’Activitat Semenças, l’apròchi batejat Safety First qu’ei estada començada peu pielar de las 10 règlas d’Aur de la securitat entà federar las equipas a l’entorn de mesuras de prevencion comunas e immancablas.
Navèras mobilitats dens lo 64
Euralis qu’incita los sons collaborators a’s desplaçar de faiçon mei responsabla a trucèrs de la soa participacion au challenge mobilitat. Aqueth que consisteish a desdeishar la soa autò au profieit deus transpòrts en comun, deu cotranspòrt, de la bicicleta o plan enqüèra de la marcha. D’un aute costat, au sèti de la cooperativa, de las bòrnas de recargament que son a disposicion entaus collaborators dispausant de veïcules electrics.
pausatz la vòsta candidatura en linha
