ACCUEILLas nostas accions Escòlas
Qu’arcuelhem en mejana per an près de 120 estagiaris (3au au superior) e drin mei de 60 alternants. Despuish quauquas annadas, qu’èm labellisés Happpy Trainees.
Per la 8au annada consecutiva, Euralis qu’ei acreditat HappyIndex®Trainees 2024 França ! Basat 100% sus l’avís anonime deus estagiaris e alternants, lo labèl HappyIndex®Trainees que recompensa las organizacions on los estudiants e son los mei motivats e urós. Que tira tà la lutz los manejadors deu Grop qui acompanhan los estagiaris e aprendís autant com los joens eths medishs qui ns’an hèit hidança a un moment clau deu lor trajècte professionau.
Qu’èm estrambordats e fièrs de’us poder acompanhar dens los lors prumèrs pas professionaus.
Cada annada, que recrutam joens en contractes d’aprendissatge o de professionalizacion.
Que formam dens divèrs mestièrs : marcatica, supply chain, R&D, comunicacion, RSE, … Aqueth engatjament deus hòrts dens la formacion deus joens que s’explica sustot per la valor aponduda portada per aquestes.
En efèit, l’alternança qu’ei un atot entà tots :
1. Entà las equipas, qu’ei ua faiçon de :
- Perennizar los saber-har de l’enterpresa
- Formar los futurs collaborators potenciaus en los metent dens ua situacion professionau
- Har conéisher las nostas activitats, los nostes mestièrs
- Valorizar l’imatge de l’enterpresa
2. Entaus alternants, qu’ei l’oportunitat :
- D’estar acompanhat cada dia per lo/la Mèstre(ssa) d’Aprendissatge o per lo/la Tutor(a) qui arcuelh, guia e qu’informa .
- D’estar un salariat cap e tot, e beneficiar atau deus medishs drets e devers que cada collaborator.
- D’obtiéner un diplòma o ua qualificacion professionau.
- De hicar en practica las soas coneishenças.
- De s’orientar dens la seguida deus sons estudis, beneficiar d’ua experiéncia concrèta, estar lèu operacionau entà ua mei bona insercion professionau.
- De percéber un salari en tot perseguint los sons estudis
LAS NOSTAS PARTICIPACIONS
Euralis qu’ei present au près de las escòlas d’engenhaires, d’universitats e d’escòlas de comèrci, mes tanben mei locaument de las escòlas deus nostes territòris.
Euralis, en associacion dab las escòlas, que pren part a diferents eveniments (Entertiens de recrutament, fòrums, taulas redonas…) e que desvolòpa projèctes taus com la reflexion sus l’evolucion deus mestièrs deu monde agricòla o enqüèra l’integracion d’estudiants internacionaus.
Las nostas escòlas partenàrias
Lo noste procediment de recrutament
Que’vs portatz candidat per ua de las nostas auhèrtas suu site internet dedicat .
La vòsta candidatura qu’ei examinada per las nostas equipas RH devath 2 a 3 setmanas.
Si la vòsta candidatura ei prat-seleccionada e segon lo pòst , qu’avetz un o mantun entertien (RH e manejadors) : que hèm coneishença, que’ns hètz part de las vòstas motivacions, que presentatz lo vòste trajècte . Qu’avaloram las vòstas competéncias, lo vòste saber-estar, e que mesuram l’adeqüacion enter lo vòste perfiu e lo pòst a provedir.
La vòsta candidatura que correspon e que’vs projectatz volontièr dens la nosta enterpresa : que signatz lo vòste contracte e lo procediment d’integracion que’s hica en plaça.
Los nostes conselhs entà postular
L’entertien qu’ei un moment privilegiat e que deu estar un vertadèr escambi : lo noste objectiu qu’ei d’apréner a’vs conéisher mélher, e d’avalorar la nosta adeqüacion respectiva.
Lo conselh primordiau deus nostes recrutaires entà un entertien escadut : demoratz lo/la qui ètz !
Prevéder un drin de temps en amont enta’vs preparar : s’assabentar sus la societat deu Grop qui recruta, plan compréner l’anóncia e preparar las vòstas questions/arguments en pensar a las competéncias e a las experiéncias professionaus qui apujaràn la vòsta candidatura entau pòst mirat dab elements chifrats, en los saber valorizar per la vòsta formacion, de las vòstas realizacions professionaus.
Pendent l’entertien :
- Deishatz lo vòste interlocutor presentà’s e vse balhar la paraula. Siatz a l’escota.
- Que Presentatz en quauquas minutas . Sapiatz anar a l’essenciau. Lo vòste esperit de sintèsi que serà avalorat a la vòsta faiçon de’vs presentar, d’analisar, de compréner lo monde d’Euralis e los sons enjòcs business. Siatz prèst a balhar precisions, de las chifras entà piejar los vòstes prepaus.
- N’esititz pas a préner nòtas sus las informacions importantas qui’vs seràn balhadas.
- Tornatz formular si n’ètz pas segur d’aver comprés ua question, gausatz demandar precisions, verificatz qu’avetz plan responut a la question pausada.
Portatz-ve candidat en linha
