ACCUEILEn aquera debuta d’annada, las botigas Point Vert deu Grop Euralis qu’encoratjan los lors clients a hà’s las lors consèrvas, de pòrc especiaument, dab la purmèra edicion de la Hèira deu Pòrc qui’s tien enter lo 12 e lo 22 de genèr. Entàd ac har, l’ensenha que prepausa ua auhèrta de produits entà preparar, cosinar, conservar e netejar. Lo parat, entau consumeire, d’arretrobar lo plaser deu « casa hèit », en har economias. Ua tendéncia de consomacion dens l’aire deu temps.
Dab l’inflacion (+9,35% en 2022 – Prevision Nielsen PGC-FLS) e mentre que las crisis e s’installan (Covid 19, guèrra en Ucraïna, energia, climat…), los Francés que càmbian las lors costumas alimentàrias. Que privilègian las recèptas simplas e que’s guardan de gaspilhar . Que recercan d’un aute costat produits practics, traçats, de bon cosinar e conservar. Dens aqueth contèxte, lo darrèr estudi Kantar entà l’Uppia (noveme de 2022) que confirma l’ahuegament entau casa hèit : 44% deus Francés interrogats que disen privilegiar los produits preparats a casa e las consèrvas que hèn un retorn en fòrça. 41 % que prefereishen d’un aute costat consumir plats qui an preparats eths medishs, meilèu que crompar produits transformats. Fin finau, 64 % que disan aver aumentat la lor consomacion de produits francés despuish la debuta de la pandemia e 40 % que cèrcan a consumir mei locau entà ajudar los ‘comerçants petits’. tendéncias de consomacion qui van dens lo sens deu tribalh realizat a l’entorn deus circuits corts peus nostes rais La Table des Producteurs qui referéncian produits de quasi 500 productors dens las nostas ensenhas de proximitat Point Vert.
L’interès de las consèrvas : practicas, economicas e ecologicas
Cosinà’s las soas consèrvas be presenta avantatges : los consumeires que l’an comprés, que son mei anar mei nombrós a’s lançar dens aquera fabricacion casa hèita. Com ac estipula lo darrèr estudi Kantar, 31 % deus Francés que volerén èstar completament autonòmes dens la fabricacion deus produits corrents – alimentaris e autes.
Cosinà’s las soas consèrvas alimentàrias que permet de preparar los sons plats a l’avança, entà, au finau, ganhar temps. Aquò que permet tanben de har estauvis : cap au susgelat, l’estocatge ne necessita pas nada electricitat e los produits bruts que son generaument mensh onerós. Las consèrvas que son un biaish de s’afranquir de la sason e que son bonas entà la santat (pas nat besonh de conservadors tà l’esterilizacion). D’un aute costat que son lo parat de cosinar los produits segon los sons pròpis gosts e constrentas : que’s pòt per exemple dosar l’assasonament, utilizar formats adaptats (de la consèrva individuau aus bocaus familiaus). Las consèrvas qu’an tanben ua dimension duradissa puishque los bocaus son reütilizaders. Fin finau, qu’auhereishen au consumeire la possibilitat d’aver ua consomacion alimentària traçada.
Ua auhèrta Point Vert qui segueish las tendéncias de consomacion
Dens las botigas Point Vert d’Euralis, l’auhèrta que s’ei alargada entà s’adaptar a las espèras deus consumeires. « En rai, que’s tròba tot lo necessari entà elaborar las soas consèrvas » qu’explica Johan Becquet, Responsable Marcatica Euralis Distribucion. « Purmèr, qu’i an los produits bruts, destinats a estar hicats en consèrva, de la mèrca La Table des Producteurs. Tostemps en circuit cort, aqueths produits alimentaris que son sans e saborós : hruts e legumes segon la sason, e, peu purmèr còp aquera annada, deu pòrc condicionat de faiçon a perméter la mesa en consèrva (pèrnas, pastèr, còstas de pòrc, coustou, tombadas…). Puish, que’s prepausa, tostemps a prètz atractius, lo materiau necessari entà har las soas consèrvas : los bocaus, junts, stérilisador, cauhader, etc… Shens desbrombar un servici d’enjaçada, si l’estima mei au client las boitas metallicas ». A notar augan, ua accion especifica entau poder de crompar suu gas : entà ua bombòna crompada, un bon de crompar de 10 euros a valer sus tota la botiga (a partir de 50 euros de crompa).
Fin finau, las equipas en botiga que son tostemps disponiblas entà respóner a las questions deus clients e balhar conselhs sus l’esterilizacion per exemple, o la conservacion deus bocaus. Que precisam que la mesa en consèrva n’ei pas un procediment complicat a començar : que sufeisjh de s’assegurar los bocaus ne son pas esbrequerats e que los junts son naus.