ACCUEILEuralis Distribucion que hè evoluar la soa botiga Point Vert de Lescar e que perpausa d’ara enlà tres ensenhas sus un medish lòc de venta : Point Vert, La Table des Producteurs e, qu’ei navèth, Terranimo. Aqueth concèpte multi-mèrcas qu’auhereish mei d’expertesa e de praticitat entau client e ua gamma de produsits mei large. Que s’ageish de la purmèra botiga 3 ensenhas en França dens lo hialat Point Vert qui amassa 418 botigas.
L’ensenha Point Vert situada a Lescar (64), que son mei de 2 000 m² au còr d’ua zòna comerciau dinamica. Oberta en 1997, la botiga que perpausa ua auhèrta larja : jardineria, animaleria mes tanben motoculture, bricolatge, vestiment, consèrvas e neurissatge. Despuish 2012, qu’a alargat la soa auhèrta en prepausar produits alimentaris locaus en circuit cort (poralha, carn, carnsaladeria, hormatge, cremeria, especieria salada e sucrada, vin, bevendas alcoolizadas e non alcoolizadas…) devath la mèrca « la Table des Producteurs ». Qualitat e traçabilitat que son los dus mèstes-mots d’aqueth rai legitimat per l’estatut de cooperativa agricòla d’Euralis. En tot, l’ensenha referéncia haut o baish 500 productors bordièrs.
D’ara enlà, ua tresau mèrca qu’ei perpausada en botiga : Terranimo. Que s’ageish d’ua ensenha especializada en animaleria qui comercializa aliments, equipaments, accessòris e produits de suenh d’igièna entà animaus de companhia.
Tres botigas en ua
Que s’ageish de perpausar tres botigas dens un sol e donc d’auherir un trajècte clients mei segmentant e atractiu afichant lo posicionament d’expèrt de la botiga. « Que volem auherir aus nostes clients la possibilitat de har crompas centradas a l’entorn deu benestar. Aquò que passa peus nostes produits alimentaris en circuit cort « la Table des Producteurs », sans e de sason, ua neuritud de qualitat entaus animaus de companhia, e fin finau tot lo necessari entà amainatjar lo son jardin e ne har un lòc de vita agradiva. Lo tot en un medish lòc, en beneficiant d’ua varietat grana de produits e de conselhs d’especialistas » que precisa Benoît Barron, Director Euralis Distribucion. « Qu’ei tanben l’oportunitat de hicar las nostas mèrcas en sinergia, dens lo respècte de l’identitat e deu concèpte de cadua. Que velharam hèra entenut a organizar las nostas comunicacions omni canau, cibla per cibla, entà estar mei eficaças e mei pertinents dens las nostas campanhas de marcatica clients ».
Possibilitat de’s franchisar
Euralis Distribucion, qu’ei l’activitat Distribucion gran public de la Cooperativa Euralis. Fidèu a las soas valors e au son ancoratge territoriau e agricòla, que maneja duas ensenhas nacionaus suu son territòri – Point Vert e Terranimo – e ua locau – La Table des Producteurs. Que perpausa aus independents de’s franchisar sus l’ua o l’aute d’aqueras ensenhas. Los arguments entà lançà’s que son nombrós : despuish la crisi sanitària deu Covid, los consumaires se recentrent suu budget ostau (jardinatge, animaleria, etc…) e que’s constata d’un aute costat un besonh d’autenticitat, de locau, e un ahuegament entaus produits en circuit cort. Las chifras que confirman aqueras tendéncias : + 16,2 % de creishença entà Point Vert enter 2019 e 2022 e suu medish periòde + 36,2 % entà la « Table des Producteurs » sus mercats estables. medisha faiçon, lo mercat deu petfood que’s pòrta plan : dab 75 milions d’animaus de companhia en França, qu’amuisha ua creishença de 6,9% en 2022 (hont : Promojardin-Prom’animau, 2023).