ACCUEILMAISON MONTFORT, PARTATGEM LOS PLASERS D’UA GASTRONOMIA DE GUIT AUTENTIC E INVENTIVA
Fondada en 1988 dens lo vilatgeòt de Monthòrt, au còr de Lanas,
region emblematica deu hitge gras de guit, Maison Montfort qu’ei vaduda ua referéncia
de la gastronomia de guit.
Vaduda d’ua cooperativa deu Sud-oèst engatjada, Maison Montfort que s’estaca a conservar lo ligam dab la soa tèrra nadau e a partatjar la soa passion deu guit. Mestrejant la cordèra de fabricacion sancèra, Maison Montfort que’vs hè descobrir los plasers de la gastronomia de guit dab las soas recèptas gormandas de hitge gras e las soas carns saborosas 100% d’origina francesa, entà un moment unic enter amics o en familha.
Cada dia, los òmis e las hemnas de Maison Montfort que tribalhan dab passion, entà vs’auherir lo melhor e garantir la qualitat deus nostes produits en s’estacant a respectar las nostas 4 valors fondamentaus.
L’EXIGÉNCIA : critèris hèra rigorós entà seleccionar los hitges gras e la carn de guit qui partatjatz pendent los vòstes repaishs quotidians o de hèstas.
LA GASTRONOMIA : ua auhèrta grana de carns e de hitges gras elaborats dab suenh, segon un saber-har ancestrau. Ua qualitat reconeguda peus nostes produits emblematics com los nostes tavalhons cueits de faiçon tradicionau dens un bolhon o los nostes produits labellizats.
L’ELEGÀNCIA : la presentacion de cada recèpta estant tot autant essenciau com la textura e lo gost, que desvolopam navèths embalatges éco-concebuts e faciles a identificar dens los rais.
LA CREATIVITAT : Maison Montfort qu’ei animada per ua pregonda volentat de’s reïnventar a contunhar. Qu’ei atau com las cosinas se metamorfòsan cada dia en vertadèrs talhèrs de creacion entà prepausar recèptas originaus, pleas de suspresas e de caractèr.
MAISON MONTFORT,
MÈRCA BASTIDA
SUS 4 VALORS FONDAMENTAUS
Especialista de la gastronomia de guit, Maison Montfort que prepausa despuish mei de 30 ans ua varietat grana de produits de guit entà tots los moments de plasers gustatius.
Descobritz los hitges gras mis-cueits, hruts d’ua confeccion rigorosa qui presèrvan tota la tipicitat deu produit e auhèrta un textura fondenta, los hitges gras en consèrva au gost caracterizat e a la textura fèrma, o los hitges gras cruds preparats a man, ideaus entaus cosinèrs en èrba.
La nosta carn de guit qu’auhereish ua varietat grana de tròç a saborar en familha o entra amics . Aquera carn tenhèra e saborosa que s’acomodarà a tots tipes de recèptas .
Maison Montfort que prepausa produits gessits de 3 cordèras de qualitat . Tots los nostes produits creats e elaborats dab passion que son gessits de guits vaduts, neurits e preparats en França sus 2 bacins de produccion. La majoritat deus nostes produits que benefícia de l’apellacion IGP Sud-oèst. La colleccion hitge gras que s’ei hornida en 2019 dab l’arribada de navèras recèptas d’excepcion Label Rouge entà vs’auherir lo melhor deu hitge gras.
MAISON MONTFORT,
UA AUHÈRTA GRANA ENTÀ PARTATJAR
UN MOMENT DE PLASER
AUTENTIC E INVENTIU
De la cultura de las cerealas entaus guits, dinc a la preparacion deus produits, en passant peu neurissatge, que portam ua atencion grana a la fabricacion deus nostes produits e qu’avem ua mestresa totau de la traçabilitat a tots los estadis de produccion, qu’ei pr’amor d’aquò qu’èm en mesura d’indicar lo nom e la localitat deu productor de guits sus las nostas gammas de hitge gras Gran Eretatge e los nostes que copas de carns crudas IGP .
Près de 500 neuridors e productors, tribalhant entà la cooperativa Euralis, qu’òbran cada dia entà vs’auherir lo melhor deu guit. Cadun que s’engatja dens la qualitat deus produits . Atau, Maison Montfort que valoriza lo tribalh deus sons productors e que s’apièja sus un saber-har 100% francés en prepausant produits vienent de guits neurits dab milhòc shens OGM e majoritàriament gessits de la cooperativa.
Estacada a la soa tèrra e a l’environament, Maison Montfort que hica en plaça nombrosas accions, com la reduccion de la soa consomacion d’aiga e d’energia, lo reciclatge e la valorizacion de las dèishas e coprodusits sus tots los sons sites, la luta contra lo gaspilhatge alimentari per dons regulars a las bancas alimentàrias, lo desvolopament d’embalatges reciclables e éco-concebuts e respectuós de l’environament. Qu’ei atau com en 2020, Maison Montfort que lançava lo prumèr hitge gras embalat dens un vertadèr tavalhon reütilizader .
