ACCUEILSTALAVEN QUE PROMOU LOS SABER-HAR ARTISANAUS LOS MEI BONS CAP AUS COMÈRCIS DE BOCA INDEPENDENTS
Dab los nostes clients, los comèrcis independents e de proximitat taus com los carnissèrs carnsaladèrs aprestaires, las panisserias, los cavistas o los restaurants, que partatjam la medisha passion deu produit deus bons. Despuish 1945, que concebem e qu’elaboram dens los nostes talhèrs carnsaladerias e produits aprestaires frescs, qui’us son exclusivament dedicats.
Cambajons, tarrissas, saussissons, tabolés, soflès, huelhetats, crostejats… tots los nostes produits que son elaborats per monde deu mestièr (Carnsaladèrs, Cosinèrs, Pastissèrs…) dens lo respècte de las tradicions carnsaladèras e culinàrias.
Entà assegurar un servici sancèr aus nostes clients, que’us portam un seguit comerciau de grana proximitat, qu’asseguram las liurasons cada setmana, e que’us prepausam servicis qui’us permeten d’animar lo lor establiment e de desvolopar la lor chifra d’ahars.
L’istoèra que comença en 1945 quan Jean Stalaven pren la seguida de la carnsaladeria familiau a Bourbriac (22). Que la desvolòpa en prepausant carnsaladerias qui coneishen lèu ua grana escaduda en Bretanha e, chic a chic, sus la Region Parisenca on Jean Stalaven apita ua flòta camionetas refrigeradas.
Per las annadas 60, Jean Stalaven que basteish un talhèr de carnsaladeria a Saint-Brieuc e que desvolòpa las soas ventas capvath la França, tostemps pròche deus comèrcis independents petits, en s’estacant a portar tà la lutz lo mestièr de carnsaladèr dens la region per la creacion d’un CAP carnsaladeria dab lo sostien de la crampa deus mestièrs.
Per las annadas 80, de Carnsaladèr, Jean Stalaven que vad Carnsaladèr Aprestaire. Qu’ei lo prumèr a prepausar ua gamma sancèra de produits aprestaire : ensaladas, pastisserias saladas, plats cosinats… entà perméter aus sons clients de s’inscríver sus las tendéncias de consomacion deu « tot prèst ».
En 2010, Jean Stalaven qu’arrejunh lo Grop Euralis qui contunha d’ahortir los saber-har de l’enterpresa dab l’aquisicion en 2018 de Teyssier, especialista de las Salasons secas.
L’istòria d’un carnsaladèr aprestaire pas com
los autes
Uei, Stalaven que crea e qu’elabòra produits de qualitat superiora aus de las susfàcias granas : carnsaladerias, saussissons e recèptas aprestaire elaborats dens los nostes diferents talhèrs (en Corresa entaus saussissons de vilatge Perpezac Lo Negre ; dens lo Parc Naturau Regionau deus Monts d’Ardecha, a Sent Agrève, entaus saussissons e cambajons secs Teyssier ; o en Bretanha a Yffiniac entà las soas carnsaladerias e recèptas Aprestaire) per monde deu mestièr : carnissèrs, carnsaladèrs, cosinèrs o pastissèrs.
Cada dia, mei de 150 conselhèrs comerciaus, de terren o en televenta, qu’acompanhan los nostes clients, los comèrcis de boca independents de proximitat.
Ua flòta de mei de 100 camionetas frigorificas que cor França e qu’assegura liurasons .
Fin finau, que prepausam tota ua seria de servicis entà ajudar los nostes clients a desvolopar la lor chifra d’ahars : operacions promocionaus e d’animacion de botiga sus tematicas sasonèras, conselh merchandising personalizat (organizacion de la botiga, estudis d’assortiments, agençament de las veirinas, PLV, prèst-a-montar de tasta…), taulèrs de tasta entà las Salasons, visitas deus nostes talhèrs de fabricacion…
Au servici exclusiu
deus mestièrs de boca
independents
En çò de Stalaven, qu’avem la passion deu produit bon. Qu’arrespectam las tradicions culinàrias ricas e carnsaladèras francesas en prepausant produits gessits de saber-har culinaris d’orizonts variats, a còps tornats visitar, e que’s reconeish entà la lor autenticitat.
Las nostas carnsaladerias que son atau estadas premiadas per 37 medalhas au Concors Generau Agricòla despuish 2008, dont 3 medalhas en 2024.
Las nostas pastisserias saladas que son reputadas en particular entà la nosta pasta huelhetada au burre, casahèita peus nostes panissèrs-pastissèrs, de la color daurada e deu crostejant inimitables.
La passion deu produit bon qu’ei tanben saber adaptà’s a las exigéncias deus consumaires d’uei, qui’s vòlen au còp har plaser e minjar mensh ric. Atau, la nosta equipa Innovacion, constituida de ueit chefs cosinèrs, qu’a creat un cambajon -25% de sau, saussissons 30% mensh gras, carnsaladerias e cambajon shens nitrits…
Qu’èm fièrs d’aqueths produits qui son regularament tastats au près deus consumaires : mei de 2 500 consumaires que tastan cada annada los nostes produits (per un institut d’estudi independent). Que’ns balhan claus tà reivindicar ua superioritat organoleptica sus las nostas recèptas emblematicas d’ensaladas, plats cosinats, tarrissas o petitas entradas gormandas.
