ACCUEILLo Conselh d’Administracion d’Euralis, sus perpausicion deu President deu Conselh d’Administracion, qu’a nommat Thomas Chambolle Director Generau deu Grop Euralis.
Thomas Chambolle qu’èra despuish lo 1èr de seteme de 2022, Director Financèr deu Grop Euralis. Diplomat de l’escòla de las Minas de Sant Estève e de l’IFP School, Thomas Chambolle, atjat de 51 ans, que comencè la soa carrièra en Alemanha dens lo sector bancari abans d’evoluar dens la direccion financèra deu constructor automobile PSA Peugeot Citroën, vadut Stellantis. En 2008, qu’ei cargat de mission a la Presidéncia de la Republica, puish Mediator delegat deu crèdit. Qu’ei estat tanben pendent mantua annada, associat dens lo gabinet de conselh Ricol Lasteyrie. En 2013, qu’arrejunh lo grop Quiksilver, vadut Boardriders, com Director Financèr puish President Europe. Qu’ei, d’un aute costat, President deu Conselh d’Administracion de l’IAE de Pau-Baiona.
« Qu’èi tota hidança a Thomas Chambolle e aus membres deu Comitat Estrategic entà balhar ua impulsion navèra e miar com cau la huelha de rota definida peu Conselh d’Administracion, qui deu condusir au melhorament deus resultats economics e financèrs deu Grop », ce declarè Christophe Congues, President deu Conselh d’Administracion.
Lo Conselh d’Administracion qu’arremercia calorosament Philippe Saux entau son engatjament e la soa contribucion dens lo Grop. Philippe Saux qu’a jogat un ròtle determinant dens lo desvolopament deu Pòle Semenças qu’arrrejunhè en 1990. Qu’aucupava las foncions de Director Generau deu Grop despuish seteme de 2019. « Qu’arremerci personaument Philippe entad aqueras 4 annadas de collaboracion, qui ns’an permetut amassa de véncer las crisis successivas a las quaus lo Grop ei estat confrontat », ç’ajustè Christophe Congues .